الثلاثاء، محرم 20، 1426

حتى لو كان الرئيس الجديد اسوأ من ابو علاء - رامي رمزي

بجد دي فعلا أكبر حركة تظاهرية ضد الظام المصري..

الالاف من الساخطين و المحبطين خرجوا للتعبير عن أرائهم و لأول مرة أستطاع المتظاهرين الخروج من السياج الأمني المفروض حول المظاهرة (و ده خطأ فادح) لأن كان ممكن تقلب بمصيبة..

بس المهم أن حركة كفاية أبتدت تاخد تأييد و مصداقية و أيمان حقيقي بالقدرة علي التغيير..

فقط أن كان عندنا القدرة علي التعبير عن الرفض دون خوف..

ماهو مش قدر كتب علينا..ده خيار مفروض علينا –ليس بالقوة و لكن بالتغييب.

الناس صار عندها لا مبالاه صريحة جدا..يعني تلاقي واحد يعاني و تتمثل فيه كل مشاكل بلدنا و تتكلم معاه..طيب عملت ايه؟ او ناوي تعمل ايه؟ازاي ممكن نتخلص من الظروف الطين دي؟حاولت تقول لأ بأي شكل؟؟و دائما تكون الأجابة محبطة و كئييبة...يعني انا هاعمل ايه يعني...يعني هو التغيير ده مستني عليا انا..طب لو ابو علاء راح مين هييجي مكانه..و كيف تضمن انه لن يكون اسوأ...و الي اخره من الأفكار السوداء...المهم ان اللي انت بتسأله ده ممكن يكون ظروفه طين و حالته تصعب ع الكافر..لكن الروح الأنهزامية اللي نجحوا في بثها في النفوس و السلبية الغير مسبوقة أصبحت تسيطر علي تفكيرنا..

يا نااااااااس..الرحمة..كفاااااااااااااااااية

التغيير في حد ذاته أنجاز..حتي و لو كان الرئيس الجديد أسوأ من أبو علاء..المهم ان نعيد للأذهان قدرتنا علي التغيير..علي التعبير عن الرفض..و من هنا تكون البداية

لو أستطعنا التغيير مرة..

لن أقول اننا مثل شعوب كرواتيا و جورجيا اللي أستطاعت أنتزاع السلطة أنتزاعا من يد رؤساء رأي الشعب انهم لن يستطيعوا تحقيق طموحه في عيش أفضل..رغم اننا قد يوجد بيننا يوتشنكو أو ساكشفيلي و لكن هناك أختلافات كبيرة بين طبيعة الشعوب دي و شعبنا –الطيب- تمنع من تولد مثل هذه الظاهرة...و لكن مبدأ التغيير و رفض ما يفرض بالقوة و رفض الظلم و رفض الفساد و الثأر ممن نهبوا ثروات مصر..ممن سرطنوا أغذيتنا..ممن عذبوا شبابنا و أعتقلوهم و أذاقوهم ألوان العذاب ..ممن لفق الأتهامات ..ممن اجهض الأحلام..و قتل الأمل..ممن أضاعنا بين الشعوب و أصبحنا تابعين – و نحن لم نكن ابدا كذلك رغم اننا عمرنا ما كنا في مصاف الدول العظمي-و لكن كان لنا ثقل سياسي حتي أيام السادات و عبد الناصر و قد تلاشي الأن..

فماذا ننتظر ؟؟؟

1 Comments:

At الجمعة, محرم 23, 1426 12:20:00 ص, Blogger wa7da_masrya said...

يسلم فومك يا رامي

 

إرسال تعليق

<< Home